Agjencia e lajmeve Associated Press ka raportuar për helmimet e qindra qytetarëve në Komunën e Deçanit përcjell Kosova ime.
AP në artikullin e saj shkruan se Kryetari i komunës në perëndim të Kosovës ka deklaruar gjendje emergjente të martën pasi qindra banorë përjetuan të vjella dhe diarre gjatë ditëve të fundit.
- Advertisement -
Ai ka thënë se gjendja shëndetësore e pacientëve është e mirë.
“Mbi 1 mijë e 500 persona kanë kërkuar trajtim shëndetësorë që nga e shtuna. 99 për qind e pacientëve kanë marrë shërbime mjekësore. Gjendja e pacientëve është e mirë“, ka thënë ai.
Banorët e Deçanit dyshohet se janë helmuar nga uji i pijes, ndonëse prokuroria është duke kryer hetimet në këtë drejtim.
- Advertisement -
Përveç QKMF’së në Deçan, disa pacientë janë referuar për trajtim edhe në Spitalin e Pejës.
Mbi 20 pacientë kanë marrë shërbime shëndetësore në këtë spital.