Kancelarja gjermane Angela Merkel ka komunikuar sërish me Presidentin turk Rexhep Tajip Erdogan, ku kanë diskutuar situatën në Mesdheun Lindor dhe tensionet e krijuara me Greqinë.
Presidenti turk i ka thënë kancelares gjermane se vendet anëtare të BE-së duhet të jenë të drejta dhe të qëndrueshme në çështjen e Mesdheut Lindor. Ende nuk dihen detajet e tjera që janë diskutuar në këtë komunikim mes tyre, por duket se Turqia insiston në vendimin e saj për kërkimin e gazit në rajonin e Mesdheut e cila është kthyer në “mollë sherri” me qeverinë greke.
Gjermania po përpiqet të ndërmjetësojë në lidhje me zbutjen e t ensioneve mes palëve. Zëdhënës nga Presidenca turke deklaruan se Erdogan i tha Merkel se mosmarrëveshja “mund të zgjidhet përmes negociatave, me kusht që të mbizotërojë një qasje konstruktive, bazuar në drejtësi”.