Mësuesja kosovare bëhet hit në internet: Zgjedh nxënësit për fotot e martesës në vend të burrit

Gentijana Maloku, një vajzë e re nga Vushtrria, ka kurorëzuar dashurinë e saj me martesë ditë më parë.

E për këtë ditë kaq të veçantë, ajo ka zgjedhur ta realizojë një fotosesion.

Maloku nuk ka vepruar si shumica e vajzave, qe në fotosesion të shoqërohet nga partneri që do ta ketë afër për gjithë jetën.

Ajo ka zgjedhur nxënësit e saj për të cilët nuk ka nguruar të thurë edhe lavde.

Padyshim një kujtim kaq i bukur!

“Me nxënësit e mi në ditën më të rëndësishme, kurrë nuk kam shkëlqyer në univers, por sot të shkëlqyerit në univers janë nxënësit e mi”, ka shkruar ajo krahas fotografive të publikuara në një grup të mbyllur në Facebook.