Deputetja e Partisë Demokratike të Kosovës, Ganimete Musliu, e ka vazhduar edhe në profilin e saj në Facebook përplasjen me ministrin Faton Peci, për çështjen e anulimit të thirrjes për grante.
Musliu ka shkruar se edhe pas njëmbëdhjetë ditësh nuk ka marrë përgjigje në pyetjen që ia ka drejtuar ministrit të Bujqësisë, Pylltarisë dhe Zhvillimit Rural, Faton Pecit, të cilin e ka quajtur manipulant e gënjeshtar.
“Ka 11 dite qe kam protokolu pytjen por as sot nuk mora përgjigjje nga Ministri manipulant e gënjeshtar. Ai as sot nuk e tregoj datën kur e ka marrë vendimin për anulimin e thirrjes për grande dhe as datën e shpalljes se vendimit për anulim”, ka shkruar Musliu.
Musliu e ka quajtur Pecin “Ministër Pinikio”.
“Minister Pinokio nuk po ndalet me gënjeshtrat e tij”, ka shkruar Musliu.
iframe src=”https://www.facebook.com/plugins/post.php?href=https%3A%2F%2Fwww.facebook.com%2FGanimeteMusliuOfficial%2Fposts%2F1653073061691398&show_text=true&width=500″ width=”500″ height=”667″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”>
Ndryshe, përplasja e Musliut dhe Pecit filloi sot në seancën plenare të Kuvendit të Kosovës.
Musliu ka kërkuar nga ministri Peci të tregojë në cilën datë e ka anuluar thirrjen për grante dhe ku e ka publikuar, pasi sipas saj, vendimi nuk është i publikuar në web faqen e ministrisë.
Mënyrë natyrale për të rritur epshin tuaj në 30 sekonda
“Me datën 25 nëntor kam adresuar çështjen se çfarë po ndodh me thirrjen për grante, që është shpallur në janar të vitit 2021 dhe ka përfunduar në mars të këtij viti, meqë kam marrë shumë pyetje nga qytetarët se nuk e kanë ditur se çka po ndodh, në atë seancë ju për herë të parë jeni deklaruar se ajo shpallje apo ajo thirrje është anuluar. Pyetja konkrete për juve është kur, me cilën datë është anuluar ajo thirrje dhe pse nuk është bërë publike. Sepse ju e dini se shpallja ka qenë publike dhe sipas Ligjit, edhe anulimi do të duhej të bëhej publik… edhe miqësisht ju kam kërkuar që informatën të ma dërgoni përmes e-mail-it, por nuk kam marrë përgjigje”, ka pyetur Musliu-Pecin.
Ministri është përgjigjur se vendimin për anulimin e thirrjes për grantet është i publikuar në web faqen e ministrisë.
“Sikurse e kam shpjeguar edhe në seancën e kaluar, vendimi për shpalljen e dytë të granteve është anulu. Arsyeja pse ka ardhur deri te anulimi është paralajmërimi i vlerësimit të Zyrës Kombëtare të Auditorit për shkeljet e evidentuara në proces të vlerësimit edhe te granteve edhe subvencionit, dhe me qëllim të parandalimit të rrezikut të përsëritjes së shkeljeve të vazhdueshme që kanë ekzistu në këtë institucion. Nuk është e vërtetë që për herë të parë kam diskutu, të gjitha vendimet që i marr si ministër bëhen publike në web faqen e Ministrisë…”, ka deklaruar Peci.
Pas përgjigjes së Pecit, Musliu e ka marrë fjalën përsëri, për t’i kërkuar edhe një herë ta tregojë datën e anulimit të vendimit.
Sipas saj, fermerët nuk janë në njohuri të anulimit të këtij vendimi.
“Ministër po mundohem me e thjeshtësu më shumë, sepse s’je duke me kuptu çka po pyes. Nuk po i lypi arsyet pse është anulu, është e drejtë që ju e keni vendosur me e anulu, më intereson me e ditë shkurt dhe sakt, me cilën datë është anulu, është marrë vendimi për anulim, dhe me cilën datë është publiku sipas juve dhe ku është publiku, sepse fermerët këtë pyetje ma bëjnë vazhdimisht. Do të thotë, kur është anulu, me cilën datë, në bazë të protokollit të lutem, dhe ku është publiku, me cilën datë dhe ku, sepse fermerët nuk kanë njohuri për anulimin e kësaj thirrjeje, përveç atë ditë që jeni deklaru në seancë. Shumë thjesht dhe shumë shkurt pa arsyetime sepse nuk më interesojnë arsyetimet pse, më intereson data e saktë kur është anulu dhe kur është shpallë”, ka thënë Musliu.
Ministri Peci përsëri iu drejtua deputetes se mund ta kërkojë vendimin në web faqen e Ministrisë.
“E nderuar deputete juve munden mos me ju interesu arsyetimet, por mu më interesojnë shumë arsyetimet edhe vendimi për anulimin ka ndodhur në muajin korrik, ndërsa vendimi është publik në faqen e Ministrisë së Bujqësisë, futu aty dhe e gjen pjesën e vendimit”, tha Peci.
Ndërkaq kjo shkaktoi edhe përplasje ndërmjet deputetes Musliu dhe ministrit Peci.
Musliu e ka quajtur gënjeshtar Pecin.
“O datat, datat o zotni, datat, mos gënje, t’kom zanë tu rrejt, edhe vjen më filozofon, mos rrej, datat… Gënjeshtar, edhe shkollën e Bujqësisë na e ke hapë në Skenderaj gënjeshtar, turp”, i tha Musliu-Pecit.