Një ortek bore ka rënë sot jashtë pistës së skijimit në Brezovicë, ku gjatë asaj kohe kanë qenë katër persona duke skijuar, e që janë shpëtuar nga ekipi i Kërkim-Shpëtimit Malor të Kosovës.
Ky ekip, bashkë me një grup vullnetarësh kanë filluar menjëherë kërkimin, por që nuk kanë hasur në të tjerë që mund të jenë në atë zonë.
- Advertisement -
Deni Hameli, kryetar i ekipit të Kërkim-Shpëtimit Malor të Kosovës, Klankosova.tv bëri të ditur se kërkimi është ndërprerë.
Edhe zëdhënësi i Policisë së Kosovës për rajonin e Ferizajt, Kanun Veseli për Klankosova.tv e ka konfirmuar se nuk ka të lënduar nga ky ortek.
Më poshtë mund t’i shihni pamjet e momentit të fillimit të ortekut në pistën e skijimit në Brezovicë.
- Advertisement -