Mesfushori me prejardhje shqiptare, Granit Xhaka, nuk do të mund ta ndihmon kombëtaren e Zvicrës në çerekfinalen e Kampionatit Evropian ndaj Spanjës, shkruan Gazeta inFokus.
Xhaka që i ndihmoj ‘helvetiket’ ta eliminonin Francën do të mungojë ndaj spanjollëve për shkak të kartonëve.
Futbollisti nga Prishtina është kapiten i Zvicrës dhe kësisoj shiriti tani do të bartet te një tjetër lojtar me prejardhje shqiptare.
Kapiten i zviceranëve në përballjen me Spanjën do të jetë mesfushori i Liverpoolit Xherdan Shaqiri.
Lojtari nga Zhegra e Gjilanit do ta bartë shiritin e kapitenit të Zvicrës për herë të parë në karrierë.
Për këtë privilegj Shaqa ndihet krenarë, duke shtuar se nëse japin 120% nga vetja gjithçka do të jetë e mundur.
“Është krenari për mua ta udhëheq ekipin nesër. Do ta luajmë lojën tonë normale. Nëse e japim 120 për qind nga vetja, gjithçka është e mundur”, tha Shaqiri.
Zvicra dhe Spanja do të takohen në çerekfinale të Kampionatit Evropian ‘Euro 2020’ të premten nga ora 18:00./