Takimi i radhës ndërmjet dy subjekteve politike që kanë dalur të parat nga zgjedhjet e 6 tetorit, do të mbahet nesër, e nga ky takimi pritet që të kemi tërheqje të kryeparlamentarit, Glauk Konjufca, ku do ti lironte rrugë marrëveshjes, shkruan Gazeta Metro.
Burime të Gazetës Metro kanë thënë se Glauk Konjufca është duke e shqyrtuar mundësin e tërheqjes, pasi që shihet si e vetmja mënyrë për koalicion qeverisës VV-LDK.
‘Konufca është duke e konsideruar edhe këtë mundësi, nëse nevojitet për arritjen e marrëveshjes për koalicion me LDK’në’, ka thënë ky burim për Gazetën Metron.
Është njoftuar nga Lëvizja Vetëvendosje që nesër do të ketë një takim të radhës ku pjesë e këtij takimi do të jenë edhe përfaqësuesit e QUINT’it
Një takim i radhës do të ndodhë nesër, në të cilin do të marrin pjesë edhe përfaqësuesit e QUINT’it (Shteteve të Bashkuara të Amerikës, Gjermanisë, Britanisë së Madhe, Francës dhe Italisë) dhe të Zyrës së Bashkimit Evropian në Kosovë.
“Palët u pajtuan që nesër të zhvillohet një takim tjetër bashkë edhe me ambasadorët e Quint-it në Prishtinë si dhe me Shefen e Misionit të BE-së”, thuhet në njoftim.
Sot pasdite, në Kuvendin e Kosovës u mbajt edhe një takim ndërmjet VV dhe LDK, ku thuhet që kishte tensione, e ku LDK ka insistuar që posti i Kryeparlamentari ti takoj atyre si dhe ai i Presidentit.
Burime tona brenda këtyre dy partive kanë konfirmuar se takimi ka qenë i tensionuar.
Ato kanë thënë se Albin Kurti ka lëshuar pe sa i takon kryeparlamentarit, mirëpo me kusht që LDK të heq dorë nga posti i Presidentit.
Ndërsa, në anën tjetër kemi deklaratat e forta nga ana e Agim Veliut i cili po insiston që LDK nuk tërhiqet nga kërkesa e tyre, e që janë, Kryeparlamentari, Presidenti dhe 5 ministri.
Deri tash, dihet se LDK ka kërkuar kryeparlamentarin dhe 5 ministri, ndërsa edhe Presidentin gjatë 2021’tës, ofertë kjo që ishte refuzuar deri me tani nga VV.
Palët u pajtuan që nesër të zhvillohet një takim tjetër bashkë edhe me ambasadorët e Quint’it në Prishtinë si dhe me Shefen e Misionit të BE’së.
Ndryshe, kanë mbetur edhe 7 ditë deri në skadimin e afatit kushtetues për koalicionin qeverisës./gazetametro.net