Shefi i Shtabit të Mbrojtjes në Francë, gjenerali Thierry Burkhard, foli përsëri prej fillimit të Iuftës së hapur midis Rusisë dhe Ukrainës më 24 shkurt.
Konflikti ukrainas “ishte pjesë e opsioneve që nga vera e vitit 2021, kur unë mora detyrën”, thotë gjenerali Burkhard.
“Inteligjenca tha se rusët do të prisnin kushte të favorshme moti, domethënë do të ishte ftohtë”, përpara se të sulmonin Ukrainën.
“Pra, shpërthimi i sulmit nuk ishte një surprizë,” tha ai.
‘’Një natë më parë informacioni i saktë u nda nga aleatët,” tha ai. Sapo bombardimet e para ndodhën natën e 23-24 shkurtit, “ne aktivizuam masat e planifikuara. Çdo post që duhej të përforcohej brenda ushtrive është përforcuar. Amerikanët thanë se rusët do të sulmonin, ata kishin të drejtë. Shërbimet tona më tepër menduan se pushtimi i Ukrainës do të kishte një kosto monstruoze dhe se rusët kishin mundësi të tjera “për të rrëzuar regjimin e Volodymyr Zelensky, shpjegon ai.