Kryezëdhënësi i Komisionit Evropian, Eric Mamer, tha sot se presidentja e Komisionit, Ursula Von der Leyen, nuk e ka komentuar e as që do ta komentoj shpërfilljen që ia bëri Ministri i Jashtëm i Ugandës, Jeje Odongo, kur nuk i zgjati dorën në Samitin BE – Unioni Afrikan.
Duke iu përgjigjur pyetjeve të gazetarëve, Mamer tha se Der Leyen dhe gjithë ekipi i saj aktualisht janë të fokusuar vetëm te kriza në Ukrainë, dhe nuk kanë kohë as interes të merren me komente për zhvillime të tjera.
Për më tepër, zëdhënësi mohoi krahasimin që iu bë këtij rasti me atë të presidentit të Turqisë, Recep Tayip Erdogan, i cili presidentes së KE-së nuk i kishte ndarë një kolltuk sikur presidentit të Këshillit Evropian, Charles Michel, me të cilin ajo kishte shkuar bashkë në takimin në Ankara.
Ai, tha se as në rastin e Turqisë, Der Leyen nuk kishte komentuar lidhur me situatën e krijuar.
Por, një gazetare insistoi se liderja evropiane e kishte ngritur zërin fort për rastin në një fjalim në parlamentin evropian. Në fakt, aty kishte pranuar se ishte ndjer shumë keq, dhe se e tërë situate ishte krijuar për faktin se ajo është një grua.
“Unë u ndjeva shumë e lënduar dhe e vetmuar, si një grua dhe si një evropiane”, pati thënë ajo para eurodeputetëve.