Boiken Abazi, anëtar i Këshillit të Përgjithshëm të Vetëvendosjes, ka paralajmëruar protesta të reja në Kosovë nëse nuk votohet qeveria Kurti, shkruan Gazeta Metro.
Abazi po thotë se Kuvendi i Kosovës e ka në dorë të marrë vendim ditën e hënë nëse vitin 2020 të jetë vit i ndryshimeve nga qeveria Kurti për Kosovën.
Ai po thotë se deputetët e Parlamentit e kanë në dorë nëse do të votojnë për ndryshim apo për protesta dhe rrëzim qeverish të çdo lloj pushteti të vjetër.
“Kuvendi i Rëpublikës së Kosovës e ka në dorë të marrë vendim ditën e hënë nëse vitii 2020 do jetë viti i qeverisë së ndryshimeve të qeverisë Kurti 1, apo viti ku do i shtyjë qytetarët të organizojnë protesta masive që do rrëzojnë çdo lloj qeverie të pushtetit të vjetër”, ka shkruar Abazi.
Ndryshe, kanë mbetur edhe dy ditë prej afatit të fundit kur Albin Kurti do të shkojë në Parlament për të kërkuar votën e deputetëve për të ndërtuar Qeverinë.