Duhani po thuhet të jetë shkaktari kryesor që në vit merr jetën e 5 mijë njerëzve në Zelandën e Re.
Kjo shifër ka alarmuar Ayesha Verrall, ministren e Shëndetësisë së këtij vendi, e cila krijoi një plan të ri për ta minimizuar pirjen e këtij produkti të dëmshëm në shtetin e saj.
Madje, Verrall, e cila punoi si mjeke në spitalin publik të Wellingtonit, tha se duhanpirja ishte shkaktar kryesor i zhvillimit të kancerit te shumë njerëz.
Prandaj, sipas ligjit të ri që ajo e prezantoi të enjten, u tha se do të ketë një ndalesë të përjetshme të përdorimit për personat 14 vjeç apo më të rinj. Ky plan parasheh që mosha minimale e personave që mund të blejnë cigare të rritet vit pas viti.
Kjo nënkupton që 65 vjet pas hyrjes në fuqi të këtij ligji, i bie që qytetarët mund të blejnë cigare nëpër dyqane, vetëm pasi të dëshmojnë se janë të paktën 80 vjeç.
Plani i qeverisë ka vendosur synimin që nën 5 për qind të qytetarëve të jenë konsumues të duhanit deri në vitin 2025. Po ashtu, pjesë e planit qeveritar është edhe lejimi i shitjes së produkteve të duhanit vetëm me nivele të ulëta të nikotinës.
Për shkak se mosha minimale aktuale për të blerë cigare në Zelandën e Re është 18 vjeç, ndalimi i përjetshëm i duhanit për të rinjtë nuk do të ketë ndikim për disa vite.