Kandidati për kryeministër nga Partia Demokratike e Kosovës, Enver Hoxhaj ka mbajtur një takim me veteranët, që po cilësohet madhështor për nga përkrahja, në komunën e Klinës.
Sipas disa pamjeve që janë publikuar nga mediat, shihet një përkrahje e madhe në Klinë për kandidatin për kryeministër Enver Hoxhaj dhe për ekipin e rimëkëmbjes së PDK-së.
Vetë Enver Hoxhaj këtë takim e ka shpërndarë në faqen e tij në Facebook, ku ka thënë se PDK, si trashëgimtare e UÇK-së dhe themeluese e shtetit të Kosovës, është e vetmja që mund t’i parandalojë përpjekjet për njollosjen e luftës çlirimtare.
“PDK-ja, si trashëgimtare e UÇK-së dhe themeluese e shtetit të Kosovës, është e vetmja që mund t’i parandalojë përpjekjet për njollosjen e luftës sonë çlirimtare dhe për zhbërjen e shtetësisë sonë. Veteranët e UÇK-së, që sonte i takova në Pejë dhe shumë prej tyre në Klinë dhe që po i takoj çdo ditë gjithandej Kosovës, ishin përherë krahë për krah me Hashim Thaçin e Kadri Veselin. Klina me Sokol Bashotën foli sonte. UÇK-ja është ADN-ja e PDK-së dhe së bashku me veteranët e UÇK-së do ta fitojmë edhe këtë betejë!”, ka shkruar Hoxhaj në Facebook.