Presidenti i Serbisë, Aleksandar Vucic, ka zhvilluar një takim me kryeministrin e ri grek Kyriakos Mitsotakis, në New York, ku po mbahet senanca e 74-të e Asamblesë së Përgjithshme të Kombeve të Bashkuar, transmeton Gazeta Metro.
Vucic u takua në New York rreth mesnatës me kohën tonë lokale me kryeministrin grek, në takimin e tyre të parë që nga zgjedhja e këtij të fundit në krye të Qeverisë greke.
Takimi me Mitsotakis është një nga një seri takimesh dypalëshe që presidenti i Serbisë do të ketë gjatë vizitës së tij në Shtetet e Bashkuara.
Duke paralajmëruar takimin e tij me kryeministrin grek, Vucic tha në prag të udhëtimit të tij në New York se lutja e Serbisë ishte që Greqia të mos e njohë pavarësinë e Kosovës.
“Ai do të dëshironte të dëgjojë edhe palën shqiptare, dhe lutja jonë ndaj miqve grekë do të jetë mospranimi i pavarësisë së Kosovës”, tha kreu i shtetit serb i cili vetë njoftoi se e presin takime të shumta dhe bisedime të vështira, pasi Kosova do të jetë tema kryesore e takimeve të tij.