Pjesëtarët serbë të Policisë së Kosovës kanë filluar të dorëzojnë dorëheqjet e tyre në stacionin Policor në veri të Mitrovicës.
Fletëdorëheqjet janë duke u dorëzuar të dielën, pasi ka përfunduar tubimi i serbëve i organizuar nga Lista Serbe në sheshin e Mitrovicës së Veriut.
- Advertisement -
Koha ka siguruar pamje nga vendi i ngjarjes, ku shihen policët serbë të Kosovës duke iu drejtuar stacionit policor në veri.
Arsyetimi në fletëdorëheqjet e këtyre pjesëtarëve policor tregon shkurtazi se është për arsye “personale e morale”.
“Për arsye personale dhe morale, jap dorëheqje nga Policia e Kosovës”, thuhet në arsyetim.
- Advertisement -
Një ditë më parë është marrë vendim që të bojkotohen institucionet e Kosovës nga përfaqësuesit serbë të tyre.
Ky vendim është marrë pas suspendimit të Drejtorit të Policisë rajonale në veri, Nenad Gjuriq./Koha.net
- Advertisement -
