Policia e Kosovës ka konfirmuar vdekjen e një shtetasi të Serbisë në Leposavic, ku i njëjti dyshohet se vdiq pas shembjes së dheut në një pjesë të Trepçës në këtë vend, shkruan Gazeta Metro.
Policia përmes raportit 24 orësh ka bërë të ditur se viktima ka vdekur në rrethana të panjohura.
“Është raportuar se viktima mashkull shtetas i Serbisë, derisa ishte duke punuar, dyshohet se në rrethana të panjohura ka ndërruar jetë. Njësitë relevante dhe ekipi mjekësor kanë dalur vendin e ngjarjes ku dhe është konstatuar vdekja e viktimës. Rasti është në procedurë”, thuhet në raport.
Ndërkaq, Kosova Press nga burime të saj ka mësuar se viktima është 52 vjeçar dhe vdiq të shtunën aksidentalisht.
Aksidenti fatal, raportohet se erdhi pas shembjes së dheut në një pjesë të minierës së Trepçës në Leposavic