Presidenti i Republikës Çeke, Millosh Zeman ka kërkuar që serbët ta falin shtetin e tij që mori pjesë në B0MBARDlMET e Beogradit më 1999. Këtë deklaratë ai e dha pasi e priti në takim presidentin e Serbisë, Aleksandar Vuçiq.
Takimi i Zeman dhe Vuçiq u mbajt pas dyerve të mbyllura në Pragë, ndërsa më pas ata iu drejtuan mediave.
Para takimit, Vuçiq u prit nga presidenti i Republikës Çeke, Millosh Zeman në Kalanë e Pragës me nderime ushtarake dhe intonimin e himneve të të dy vendeve, pasuar nga ceremonia e ndarjes së çmimeve. Në këtë ceremoni, Zeman ia dhuroi Vuçiqit “Urdhrin e Luanit të Bardhë”, ndërsa presidenti i Serbisë ia dha atij “Urdhrin e Republikës së Serbisë në Shirit”.
Pas takimit, Zeman theksoi se ata diskutuan “për miqësinë tradicionale që u zhvillua më 1938 dhe 1968”.
“Në të dy rastet, populli serb na dha mbështetje dhe ne i falënderuam ata. Me këtë rast, unë kërkoj falje për B0MBARDlMlN, ishte më keq sesa një krlm. Unë kërkoj nga populli serb të na falë”, tha Zeman në fillim.
Presidenti i Serbisë, Vuçiq, theksoi se ai dëshiron ta falënderojë Zemanin “për këto fjalë të mrekullueshme që ai ia drejtoi Serbisë”.
“Ne gjithmonë do ta shohim popullin çek si miqësor dhe tani e tutje si një popull vëllazëror. Populli serb nuk do t’i harrojë këto fjalë, ne do të jemi përjetësisht mirënjohës sepse askush nuk e tha kurrë atë”, tha Vuçiq.