Kandidati i Lëvizjes Vetëvendosje për Prishtinën Arben Vitia dhe ai i Lidhjes Demokratike të Kosovës Përparim Rama u ftuan që të garojnë në një lojë në bilardo.
Ftesën ua bëri pronari i “Shooters” ku ditë më parë kryeministri Albin Kurti bashkë me Arben Vitinë kanë realizuar një xhirim fushate.
- Advertisement -
Bersant Gashi tregoi se Albin Kurtit iu deshën goxha gjuajtje për ta qëlluar topin që mban numrin e datës së zgjedhjeve. Sipas tij deri në 10 gjuajtje janë bërë deri në realizimin e asaj që është publikuar.
Gashi, që thotë se topi me numrin 14 ishte kërkesë specifike, tregon se Kurti nuk ishte edhe aq i mirë në këtë fushë ndryshe nga Vitia që ky thotë se ia lëshoi lojën shefit.