Udhëheqësit ushtarakë të Ukrainës zotohen se do t’i rezistojnë agresionit rus në qytetin lindor të Bakhmut. Kjo është përkundër një mesazhi të mëparshëm nga Kievi më pak se një javë më parë që sugjeronte se ata mund të tërhiqnin trupat në pozicionet e afërta.
Kanë kaluar shtatë muaj që kur Rusia filloi luftimet në Bakhmut, të dyja palët kanë humbur mijëra jetë – përfshirë shumë civilë ukrainas.
Por zyra e presidentit ukrainas Volodymyr Zelenskyy tha të hënën se ai kryesoi një takim në të cilin drejtuesit e lartë ushtarak “folën në favor të vazhdimit të operacionit të mbrojtjes dhe forcimit të mëtejshëm të pozicioneve tona në Bakhmut”.
Këshilltari i tij i lartë, Mykhailo Podolyak, i tha Associated Press se forcat ukrainase rreth Bakhmutit kanë shkatërruar forcat e armikut, duke përforcuar pozicionet e tyre dhe duke trajnuar dhjetëra mijëra personel ushtarak ukrainas për një kundërofensivë të mundshme.
Bakhmut ka vlerë të kufizuar strategjike për Kremlinin dhe beteja për të marrë qytetin është kryesisht një çmim simbolik politik. Moska megjithatë është e vendosur të derdhë më shumë trupa në luftën për Bakhmut.