Nënkryetarja e Lidhjes Demokratike të Kosovës, Vjosa Osmani, e cila sipas të gjitha gjasave pas arritjes së marrëveshje për koalicion mes VV-LDK do ta zërë vendin e kryeparlamentares, pa e komentuar situatën politike të sotme, ka publikuar një thënie të veprimtarit Jusuf Gërvalla.
“Rruga e nderës asht ma e zorshmja, po ma e mira dhe e vetmja rrugë e vërtetë për njeriun. Dhe, kush u mundue për nder, nder ka gjetë!”, është postimi që ka publikuar Osmani në Facebook.
Grupi Koha sonte ka raportuar se është arritur marrëveshja për bashkëqeverisje mes VV-së e LDK-së, derisa pritet që ajo të nënshkruhet nesër.
Lexo edhe: Vendin e kryeparlamentarit pritet ta marrë Osmani, Konjufca me një post të lartë qeveritar
Për t’u arritur kjo marrëveshje, mësohet se të dyja kampet kanë lëshuar pe.
E për vendin e lënë bosh nga Glauk Konjufca, i cili u tërhoq nga posti, pritet që të propozohet dhe votohet nënkryetarja e LDK-së, Vjosa Osmani.
Të dielën, nesër, pritet që këto dy parti t’i mbledhin organet e tyre drejtuese, për ta miratuar marrëveshjen.
