Blerim Latifi ka reaguar për sanksionet ndaj serbëve në Kosovë.
Përmes një postimi në Facebook, ai ka cituar deklaratën e hebreut Leo Freundlich, që dëshmoi masakrat e kryera mbi shqiptarët nga serbët, i cili kishte thënë se “Shqiptarët kanë kujtesë të shkurtër, aq të shkurtët saqë xhelatët e tyre të djeshëm i thërrasin miq, pas një kohe të shkurtër”.
Latifi ka shtuar se këtë mendim e vërtetojnë marrja e bashkëpunimit kriminaI me strukturat paralele në veri, tenderët e qeverive për kompanitë mafioze të Radojçiqëve e Veselinoviçëve.
Postimi i tij i plotë në Facebook:
Leo Freundlich, hebreu që dëshmoi msakrat e kryera mbi shqiptarët nga ushtria serbe gjatë pushtimit të Kosovës në vjeshtën e vitit 1912, thuhet se ka shkruar këtë fjali: “Shqiptarët kanë kujtesë të shkurtër, aq të shkurtët saqë xhelatët e tyre të djeshëm i thërrasin miq, pas një kohe të shkurtër”.
Gjithë kjo marrja e bashkëpunimit kriminaI me strukturat paralele në veri, gjithë këta tenderë të dhënë nga qeveritë e Kosovës për kompanitë mafioze të Radojçiqëve e Veselinoviçëve, a nuk e vërteton krejtësisht mendimin e këtij miku të madh të shqiptarëve, të dhënë në një kohë kur kishim fare pak miq. Gjykojeni vetë!