Presidenti i Kosovës, Hashim Thaçi, ende nuk ka folur për media qëkur u ngrit aktakuzë ndaj tij nga Specialja, të mërkurën.
Ai ishte rrugës për Washington kur aktakuza u publikua, për çka anuloi vizitën.
- Advertisement -
Radio Evropa e Lirë shkruan sot, se sipas burimeve të saj, Thaçi ndodhet në Vjenë dhe se po e pret fluturimin për Prishtinë.
Më herët është raportuar se Thaçi mund të kthehet edhe përmes linjës Vjenë – Tiranë.
Thaçi sot shkroi në Facebook se “Askush nuk mund ta rishkruajë historinë”, që është reagimi i tij i vetëm që nga e mërkura.