Që nga prilli i vitit 2020 ish eprori i UÇK-së, Rexhep Selimi gjendet në Hagë. Mirëpo gjykimi ndaj tij ende nuk ka nisur.
Megjithatë Selimi ka lënë në Kosovë në gjysmë një proces gjyqësor.
Ai bashkë me disa persona të tjerë në nëntor të 2015-tës penguan policinë për të arrestuar tashmë kryeministrin Albin Kurti.
Ky proces gjyqësor ka dështuar para disa ditësh, mund t’ia mundësojë Selimit kthimin në Kosovë.
Gjykata Speciale në një përgjigje për RTV Dukagjinin kanë thënë se do t’i përgjigjen Kosovës në përputhje me ligjin.
Gjykata themelore e Prishtinës nuk tregon nëse kanë bërë kërkesë për të sjellë Selimin në procesin gjyqësor.
Mirëpo avokati, Tahir Recaj thotë se nuk ka asnjë arsye që Selimit të mos i mundësohet një gjykim i tillë në Kosovë.
“Unë besoj se do t’i mundësohet Selimit të kthehet në Kosovë për një gjykim të tillë. Vetëm duhet të bëhet kërkesa për një gjë të tillë. Ndoshta duhet dërguar edhe akt akuza që kërkesa të jetë më e besueshme. Nuk ka asnjë arsye pse Selimi të mos sillet në Kosovë”, deklaroi për RTV Dukagjinin, Tahir Rrecaj.
Edhe avokati Artan Qerkini thotë se Specialja e ka obligim ta sjellë në Kosovë Selimin.
“Ju e dini që në Kosovë nuk lejohet gjykimi në mungesë. Prandaj Specialja është e obliguar të sjellë në Kosovë zotin Selimi pasi edhe që edhe Specialja është gjykatë vendore në aspektin juridik”, deklaroi Qerkini.