Rozeta Hajdari pranon detyrën e ministres nga ministrat paraprak, Shala, Lluka e Shala.
Kjo është Rozeta Hajdari.
Deri dje, pak e njohur, pejanja që jeton në Prishtinë është emëruar ministre e njërës prej ministrive më të rëndësishme në vend.
Ajo drejton ministrinë e Ekonomisë, Punësimit, Tregtisë, Investimeve strategjike Ndërmarrësisë e Industrisë në Qeverinë Kurti.
Hajdari e cila studimet i ka përfunduar në Suedi, deri para këtij emërimi nuk ka qenë figurë e njohur për publikun.
Por duke qenë pjesë e ekzekutivit, ministrja e cila ka përvojë në biznes, të enjten ka zhvilluar disa takime në kuadër të përgjegjësive të reja si ministre.
Ditën e ka nisur me një takim me ministrin paraprak të Tregtisë e Industrisë, Endrit Shalën.
Pastaj prej aty ajo ka vazhduar në ministrinë e Zhvillimit Ekonomik pëe të takuar parardhësin e saj, Valdrin Llukën.
Mesdita, Hajdarin e gjeti në Ministrinë e Inovacionit dhe Ndërmarrësisë.
E të gjitha këto takime, ministrja Hajdari i zhvilloi për një qëllim.
Nga ministrat e Qeverisë së kaluar ajo mori detyrën e ministres.
E punësimi i të rinjëve, duket se për Hajdarin do të jetë në mesin e prioriteteve të ministrisë së saj.
Ministrja Hajdari pas takimeve nuk është deklaruar në lidhje me angazhimin e saj në politikë dhe çështje tjera që lidhen me ministrinë që ajo udhëheq.