Rron Gjinovci dhe Albin Kurti
Kryeministri i Kosovës Albin Kurti, dje në Kuvend ka prezantuar gjashtë pika si kushte për Asociacionin e komunave me shumicë serbe, në marrëveshjen me Serbinë.
Ai ka kërkuar që Asociacioni:
1. Të jetë në përputhje me Kushtetutën
2. Asociacioni është pjesë e marrëveshjes finale dhe zbatohet vetëm pas njohjes reciproke.
3. Jo asociacion njëetnik, nuk mund të ketë/bart asnjë pushtet ekzekutiv.
4. Të drejtat e pakicave kombëtare duhet ta ngërthejnë parimin e reciprocitetit mes dy shteteve respektive.
5. Shuarja e strukturave ilegale dhe dorëzohen armët ilegale të atyre strukturave.
6. Presidenti i Serbisë i tërheq letrat e dërguara për mospranimin e Kosovës ne BE.
Përkrahje për këto pika si parakusht për themelimin e Asociacionit, kryeministri ka marrë nga analisti dhe aktivisti Rron Gjinovci.
“Me qato 6 kushte të Albinit birmani ta nënshkruaj menjëherë Asociacionin”, ka thënë ai në një postim në Facebook.
“Pse po ndodh që opozita dhe analistat e regjimit të vjetër po menojnë që Albini e ka pranu Asociacionin? Pse nuk po e vërejnë që kushtet janë të dizajnume me qenë të papranueshme për Serbinë?”, ka pyetur ai./Botasot