Bajram Gecaj, Shef i Kabinetit të Ministrit Agim Veliu, e ka quajtur parazite Kryetaren e Kuvendit të Kosovës, Vjosa Osmanin.
Gecaj ka rikujtuar një deklaratë të Emisarit Special të Presidentit Trump, Richard Grenell, i cili kishte thënë se nevojiten politikanë që bëjnë më shumë sesa vetëm ankohen, duke aluduar kështu për Osmanin.
Sipas Gecajt, Osmani po dëshiron të ngritet politikisht duke dëmtuar shtëpinë e saj.
Postimi i plotë:
PARAZITËT POLITIKË!
Richard Grenell kishte dhënë definicionin më të qëlluar për parazitët politikë: “Na duhen politikanë që bëjnë më shumë se sa vetëm të ankohen”! E këta që ankohen nuk mund të radhisin bash asnjë kontribut të vetëm domethënës për vendin e tyre, pos faktit që e tërë veprimtaria dhe ngritja e tyre politike ishte duke e dëmtuar shtëpinë e vet!
DEFINICIONI SHKENCORË: “Paraziti është një organizëm që jeton mbi apo brenda organizmit bartës dhe që ushqehet nga apo në dëm të atij organizmi”!