Në Kosovë është shënuar rasti i parë që një foshnje e porsalindur ka rezultuar pozitive me Covid-19.
- Advertisement -
Këtë e ka bërë të ditur kryetarja e Shoqatës së Neonatologëve të Kosovës Burbuqe Skenderi e cila ka thënë se gjendja e foshnjes është momentalisht stabile.
“Shoqata e Neonatologëve të Kosovës raporton rastin e parë të porsalindurit me Covid pozitiv. Gjendja e përgjithshme e foshnjes momentalisht stabile. Bëni kujdes, Covid nuk zgjedh moshë!”, ka shkruar ajo në Facebook.
Deri tani në Kosovë janë konfirmuar 4100 raste me Covid-19, derisa janë regjistruar edhe 86 raste të vdekjes. Numri i përgjithshëm i të shëruarve deri më sot është gjithsej 2063.