Zëdhënësi i klubit të Midtjylland, Mads Jakobsen i ka dërguar një shkrim Crvena Zvezdës në lidhje me publikimin e fotografisë ku kishin vendosur hartën e Serbisë pa Kosovën.
Klubi danez i ka kërkuar falje Serbisë dhe popullit serbë për publikimin e asaj fotografie, ndërsa e kanë quajtur si “gabim të paqëllimtë.
Serbët që asessi të pranojnë realitetin e pavarësisë së Kosovës kanë bërë që të ketë shumë reagime për shkak të fotografisë së klubit danez.
“Kemi parë reagime në mediat serbe për publikimin tonë në rrjetet sociale. Në këtë mënyrë duam t’u kërkojmë falje të gjithëve, është një gabim i paqëllimtë”.
“Redaktorët tanë të rrjeteve sociale e kanë shkarkuar hartën nga Google të pavetëdijshëm për situatën në vendin tuaj, ndaj nuk kemi pasur ndërmend të provokojmë në asnjë mënyrë”.
“Besojmë dhe shpresojmë që opinioni në Serbi do ta kuptojë këtë, po e përsëris, gabim të paqëllimshëm. Kemi respekt vetëm për Serbinë dhe popullin e saj”, ishte mesazhi i danezëve, raportojnë mediat serbe.
Midtjylland do të përballet me Crvena Zvezdën në Beograd të enjten në kuadër të Ligës së Evropës.