“Tash do t’i jap! Jepjani një 10-she” – përgjigja e Haradinajt për qytetarin që i kërkoi para

Kryeministri në largim, Ramush Haradinaj, është ballafaquar me një kërkesë të çuditshme përgjatë një ecje në qendër të qytetit të Podujevës të hënën.

Teksa po ecte në qendër të qytetit, një qytetar nga Podujeva i kërkoi para Haradinajt.

“Paret se kemi mbetur pa to krejt?”, i tha qytetari, Haradinajt.

Kryeministri iu përgjigj atij me pak shaka. I tha shoqëruesve të tij t’ia jepnin qytetarit 10 euro.

“Vallai tash do të t’i jap”, iu përgjigj Haradinaj, teksa vazhdoi: “Jepjani një dhjetëshe [10 euro, v.j] djema”.