-0.1 C
Pristina
Tuesday, March 26, 2024

Të hënën rinis testimi i kandidatëve për patentë-shofer, MI jep detaje

Rekomandime

Që nga marsi, asnjë kandidat që ka aplikuar për marrjen e patent shoferit nuk ka mundur të hyjë në provim teorik dhe praktik, për shkak të përhapjes së koronavirusit në Kosovë.

Mirëpo, që nga e hëna ata do të kenë mundësi që të përfundojnë procesin që kishin nisur më parë.

- Advertisement -

Kjo pasi që, ministri i Infrastrukturës, Arban Abrashi, ka lejuar rifillimin e punëve të Njësisë për Patentë Shofer me kandidatë duke filluar nga 20 korrik.

Këtë e ka konfirmuar për IndeksOnline, sekretari i MI-së, Krenar Xhaferi.

Por, kjo do të jetë konform lehtësimit të masave dhe zbatimit strikt të rekomandimeve të Ministrisë së Shëndetësisë dhe IKSHPK-së.

- Advertisement -

Në vendimin e marrë nga Ministria e Infrastrukturës thuhet se NJPSH-të duhet të zbatojnë masat anti Covid-19 dhe udhëzimet e përgjithshme të IKSHPK-së dhe MSH-së ( Manuali), të gjitha njësitë duhet të bëjnë dezinfektimin e hapësirave të tyre, pranimi i aplikacioneve do të bëhet në respektim të distancës së mjaftueshme dhe masave mbrojtëse, kandidatët për t’iu nënshtruar provimit teorik e praktik duhet të jenë të pajisur me maska e dorëza, ata duhet të mbajnë distancën gjatë pritjes së hyrjes në provim dhe marrjes së rezultatit, numri i kandidatëve në salla duhet të jetë në harmoni me zbatimin e rekomandimeve të IKSHPK-së për distancë fizike, në hyrje të objekteve dhe sallave të vendosen mbishkrimet për respektimin e masave.

E komunikimi i rezultatit të provimit, sipas vendimit, duhet të bëhet jashtë sallës.

-Advertisement-

Më shumë artikuj

- Advertisement -

Të fundit