Mbrëmë pas ndeshjes mes Zvicrës dhe Irlandës Veriore, një tifoz ia dhuroi një xhaketë Xherdan Shaqirit, në të cilin ishte e vendosur stema e UÇK-së (Ushtrisë Çlirimtare të Kosovës).
Televizioni zviceran “RSI Sport” postoi videon dhe e cilësoi si skandal atë që ndodhi.
Por, skandaloz ishte vetë “RSI Sport” me përshkrimin e videos, duke e quajtur organizatë terroriste UÇK-në.
“Episodi i pakëndshëm në fund të ndeshjes në Zvicër: Tifozi hyn në fushatë gjatë intervistave dhe ia vendos Xherdan Shaqirit një xhaketë. Simboli në xhaketë ishte i UÇK-së, Ushtrisë Çlirimtare të Kosovës, e listuar nga OKB si organizatë terroriste”, ky ishte përshkrimi i “RSI Sport”.
Por, duket se “RSI Sport” u pendua, pasi kjo video më nuk është në llogarinë zyrtare të tyre në Facebook.
Videoja është fshirë pasi përshkrimi ishte skandaloz