Presidenti i vendit, Hashim Thaçi ka falënderuar përsëri SHBA-në, për marrëveshjen e arritur dje në mes të Kosovës dhe Serbisë, të arritur në Uashington.
Falenderime dhe lavde të veçanta, Thaçi ka shprehur edhe gjatës ditës së djeshme, kundrejt presidentit Donald Trump.
Nga ana e tij, Thaçi ka kujtuar faktin se Kosova beson në lidershipin e Shteteve të Bashkuara të Amerikës dhe në vizionin e Uashingtonit, pasi gjatë gjithë historisë së Kosovës kjo i ka sjellë vetëm përfitime, si çlirimin dhe pavarësimin e Kosovës, themelimin e ushtrisë që do të përfundojë me integrimin në NATO, si dhe tash edhe zhvillim ekonomik.
Ndërkohë që Shtetet e Bashkuara të Amerikës e kanë quajtur historike arritjen e marrëveshjes në mes të Kosovës dhe Serbisë.
Departamenti Amerikan i Shtetit thotë se marrëveshja e nënshkruar në praninë e presidentit amerikan Donald Trump, është historike dhe përfshinë një sërë çështjesh të normalizimit ekonomik.