I pari i shtetit të Kosovës, Hashim Thaçi ka njoftuar se është takuar sot me dy përfaqësues të komunitetit LGBTIQ+.
Thaçi ka bërë të ditur se me Arbër Nuhiun dhe me Blert Morinën kanë diskutuar për mundësinë e themelimit të një Këshilli Konsultativ për të drejtat e këtij komuniteti, e që do të funksionojë në kuadër të zyrës së presidentit.
“Një takim i shkëlqyer me përfaqësuesit e LGBTIQ+ në Kosovë, Arbër Nuhiu dhe Blert Morina për të diskutuar për themelimin e një Këshilli Konsultativ për të Drejtat e LGBTIQ+ në kuadër të Zyrës së Presidentit të Republikës së Kosovës. Promovimi i të drejtave për LGBTIQ+ është një prioritet i rëndësishëm”, ka shkruar ai në Twitter.
Had an excellent meeting w/ #LGBTIQ+ reps. in #Kosovo @arbernuhiu & Blert Morina to discuss the establishing of a Consultative Council for LGBTIQ+ Rights under the auspices of the Office of the President of the Republic of Kosovo. Promoting LGBTIQ+ rights is an important priority
— Hashim Thaçi (@HashimThaciRKS) January 31, 2020
Këtë njoftim të Thaçit e ka përshëndetur ambasadori amerikan në Gjermani, Richard Grenell.
I dërguari i posaçëm i presidentit amerikan në dialogun Kosovë – Serbi, derisa e ka shpërndarë postimin e Thaçit ka shkruar se “Faleminderit, president Hashim Thaçi”.
Thank you, President @HashimThaciRKS https://t.co/olQ6SxdAaq
— Richard Grenell (@RichardGrenell) January 31, 2020