Maskimin e kishte realizuar me shumë mjeshtëri. Mjekra e bardhë, syzat e mëdha, karroca me rrota. Megjithatë, nuk i shpëtoi dot syrit të mprehtë të stafit të aeroportit, teksa përpiqej të udhëtonte nga India për në New York, transmeton Gazeta Metro.
Oficeri i kishte kërkuar personit të ngrihej pak mbi karrocë, me ndihmën e të tjerëve, por aty kishte vënë re që rrënjët e mjekrës së bardhë ishin në fakt të zeza.
Veç kësaj, ai nuk e shihte oficerin në sy por ia shmangte shikimin gjatë gjithë kohës.
- Advertisement -
Ai dorëzoi një pasaportë sipas së cilës quhej Amrik Sing, i lindur në vitin 1938. Por sado që maskimi ishte i mirë, nuk dukej si një 81 vjeçar.
Djali i ri i maskuar si plak u arrestua nga rojat e sigurisë dhe u dorëzua te autoritetet e emigrimit.