Të pandehurit kanë shkruar dhe plotësuar teste integrimi të gjermanishtes për migrantët kundrejt një pagese të majme. Gjykata ka dënuar tre burra dhe një grua
Për mashtrim masiv me testet e gjuhës gjermane, tre burra dhe një grua janë dënuar të premten nga Gjykata e Landit e Mynihut me burgim midis dy vjet me kusht dhe katër vjet efektiv (pa kusht), shkruan DPA. Fajtori kryesor ishte një 36-vjeçar gjerman nga rrethi Landsberg.
Të dënuarit kanë pranuar se kanë marrë para nga migrantët dhe në këmbim të plotësimit të testeve të integrimit për ta, transmeton albinfo.ch. Gjykata dhe prokuroria publike e kanë vlerësuar veprën si kontrabandim fitimprurës dhe në nivel bande të të huajve si dhe falsifikim të dokumenteve – ose si një përpjekje për ta bërë këtë.
Personat në fjalë, testet i kanë plotësuar për klientë kryesisht nga Kosova, që donin të rregullonin statusin e qëndrimit të tyre në Gjwermani. Ata kanë paguar në mes 2500 dhe 5000 euro për kalimin e këtij testi, shkruajnë mediat gjermane.
Të dy burrat, të cilët ishin organizatorët e bandës dhe mbi të gjitha kanë rekrutuar klientët, janë dënuar përkatësisht me tre vjet e tre muaj dhe katër vje burg. Një ish-çift i cili ka pranuar se ata kishin kaluar testet me letërnjoftime të rreme, të paguar nga klientët, kanë marrë të dytë nga një dënim me dy vjet burgim me kusht, përcjell albin fo.ch. “Detyrat ishin relativisht të lehta,” ka thënë një 25-vjeçar gjerman në fillimin e procesit.
Ai ka marrë 300 euro për një test që e ka bërë në emër të personave që donin të fitonin leje qëndrimi në Gjermani. Për këtë ai ka përdorur pasaporta false. “Jam shumë i sigurt që kam kaluar të gjithë testet”, ka thënë ai