Zjarret vijojnë të jenë aktive në perëndim të Shteteve të Bashkuara. Ato janë nxitur nga vala e nxehtë që ka përfshirë gjithë rajonin, shkruan BBC.
- Advertisement -
Banorëve iu është bërë thirrje që të evakuohen, ndërsa zjarrfikësit po luftojnë për të shuar flakët në kushte ekstreme. Dy zjarrfikës në Arizona ndërruan jetë, kur avioni i tyre u rrëzua teksa po shuanin një vatër zjarri.
Ndërkohë, Las Vegas regjistroi të shtunën temperaturën e tij më të lartë të të gjitha kohërave, prej 47.2 gradë celcius. Zjarrfikësit thonë se ajri është aq i thatë sa uji që bie nga avionët për të shuar flakët avullohet para se të arrijë në tokë.