Ka vdekur nga koronavirusi Emin Gërbeshi, punëtor i Qendrës së Mjekësisë Urgjente në Prishtinë, shkruan Kosova ime.
Lajmin e ka konfirmuar Oda e Infermierëve të Kosovës.
Njoftimi i plotë pa ndërhyrje:
Oda e Infermierëve, Mamive dhe Profesionistëve tjerë Shëndetësorë shpreh ngushëllime të sinqerta familjes dhe kolegëve të Emin Gërbeshit, teknikut medicinal dhe ish-kryeteknikut të Qendrës së Mjekësisë Urgjente në Prishtinë, që ka ndërruar jetë pasi ishte prekur nga Covid 19.
Kolegu ynë Emin Gërbeshi, do të kujtohet si një punëtor i përkushtuar në punë dhe që deri në pensionimin e tij, nuk ndaloi së shërbyeri pacientëve. Emini ishte gjithmonë i gatshëm pacientëve t’ju ofrojë ndihmën dhe kujdesin e nevojshëm.
Në emër të Odës së Infermierëve të Kosovës, familjes së të ndjerit dhe gjithë kolegëve, iu shprehi ngushëllimet më të thella me rastin e vdekjes së kolegut tonë .
https://www.facebook.com/OdaeInfermierveKosoves/posts/2579180495517611