Deputeti i Lëvizjes Vetëvendosje, Mefail Bajqinovci ka reaguar pas vendimit të qeverisë Hoti për heqjen e masës së reciprocitetit me Serbinë.
Në mbledhjen e radhës së Qeverisë Hoti, është vendosur që reciprociteti ndaj Serbisë të hiqen në mënyrë që dialogu me Beogradin të rinisë.
Kërkesat e Shteteve të Bashkuara të Amerikës për të hequr të gjitha masat e pengesat nga ana e Kosovës për Serbinë, krejt kjo në mënyrë që të jepet frymë dialogut për të arritur marrëveshje përfundimtare.
E sot Qeveria Hoti ka shfuqizuar vendimet ku ishte vendosur masa e reciprocitetit me Serbinë.
Kryeministri Avdullah Hoti ka shfuqizuar vendimin e datës 20 mars 2020 të qeverisë së kaluar Kurti për zbatimin gradual të reciprocitetit me Serbinë dhe vendimin e datës 30 maj 2020, për plotësim ndryshimin e vendimit të parë për këtë masë.
Menjëherë pas këtij vendimi është deputeti i Vetëvendosjes, Mefai Bajçinovci ai që ka reaguar duke e quajtur Hotin asistent ekzekutiv të Presidentit Thaçi.
Hoti ka deklaruar se heqja e reciprocitetit vjen pas kërkesave të Shteteve të Bashkuara të Amerikës dhe koordinimin e plotë për heqjen e reciprocitetit pas një konsulte edhe me partnerët ndërkombëtarë të Kosovës.