Ambasadorja e Kosovës në SHBA, Vlora Çitaku ka thënë se disa gazetarë e politikanë serbë që tentojnë të përvetësojnë figurën e Gjergj Kastriot-Skënderbeut kanë mbetur end në mesjetë,
Përmes një postimi në rrjetin social Facebook, Çitaku ka treguar se si një shkrim tjetër i saj rreth Skënderbeut, merr ende reagime negative nga serbët.
“Një përkujtim i imi në rrjetin Tëitter për Skenderbeun vazhdon të marrë reagime çdo ditë nga llogari në gjuhën serbe. Sigurisht, të gjitha fyese. Janë përfshirë gazetarë e politikanë nga Serbia të cilët paftyrësisht përvetësojnë figurën e Gjergj Kastriotit”, ka shkruar ajo.
Postimi i plotë:
Ka diçka patologjike në mënyrën se si fqinjët tanë verior i trajtojnë të gjitha kombet që i kanë përreth.
Një përkujtim i imi në rrjetin Twitter për Skenderbeun vazhdon të marrë reagime çdo ditë nga llogari në gjuhën serbe. Sigurisht, të gjitha fyese. Janë përfshirë gazetarë e politikanë nga Serbia të cilët paftyrësisht përvetësojnë figurën e Gjergj Kastriotit.
Thënë shkurt, mesjeta nuk është vetëm koncept kohor. Është edhe mënyrë e të menduarit. Dikush ka mbetë ende aty.