Presidenti i Serbisë, Aleksandar Vuçiq, sot është takuar me eurodeputetët Tanja Fajon, Vladimir Bilçik, Knut Fleckensten dhe Eduard Kukan, të cilët janë duke ndërmjetësuar në dialogun ndërpartiak.
Vuçiq u është ankuar europarlamentarëve për vendimin e autoriteteve të Prishtinës që mos të lejoj mbajtjen e zgjedhjeve presidenciale të Serbisë në Kosovë.
- Advertisement -
Zgjedhjet presidenciale në Serbi mbahen më 3 prill të këtij viti, shkruan Demokracia.com.
“Kosova po përpiqet t’i privojë serbët nga Kosova për të drejtën e votës në zgjedhjet e 3 prillit”, ka thënë Vuçiq.
Ndërsa, edhe një pjesë e opozitës, e cila u takua sot me eurodeputetët, kërkoi nga ndërmjetësuesit që të ndihmojnë serbët në Kosovë për të ushtruar të drejtën e tyre të votës.