Presidenti i Serbisë, Aleksandar Vuçiq, përgëzoi sot mediat serbe, edhe pse në profilet e lloagrive të tyre në Twitter iu shtua etiketimi si bashkëpunuese me Qeverinë , duke thënë se një bashkëpunim i tillë është diçka shumë normale.
“Epo, është më se normale që bashkëpunojnë me Qeverinë. Pse a do të duhej të bashkëpunonin me manjatë e kriminelë? Ne si shtet nuk i financojmë shumicën e këtyre mediave, ndërsa ata i paguajnë Zërit të Amerikës e BBC-së, ndërsa nuk i kanë etiketuar si mediat qeveritare. Çfarë ka të keqe te fakti që bashkëpunojnë me Qeverinë?”, pyeti Vuçiq, shkruan Kurir.rs, transmeton Klan Kosova.
- Advertisement -
“E shihni, ata do të donin të ishin censurues të vërtetë. Mezi pres që ta fikin llogarinë time dhe të bëhem një Trump tjetër në botë”, shtoi ai.
Në mesin e mediumeve serbe që Twitter i cilësoi si bashkëpunëtorë të Qeverisë janë Tanjug dhe Kurir.
“Media që bashkëpunon me Qeverinë”
- Advertisement -
