Zyrtari i VV’së, Arbër Zaimi, ka bërë një postim sarkastik ndaj opozitës dhe akuzave të tyre në ditët e para të pushtetit.
Shumë deputetë morën fjalën në foltoren e Kuvendit ditën e formimit të Qeverisë, për të hedhur akuza ndaj mandatarit për kryeministër, Albin Kurti. Disa nga ta e akuzuan atë, dhe VV’në, se po lexojnë shumë libra.
E Zaimi i është përgjigjur këtyre akuzave.
“Zbulohet kush e ka fajin për korrupsionin e administratës, pasurimin e paligjshëm të politikanëve, shkatërrimin e arsimit dhe uljen e nivelit kulturor të shoqërisë, varfërimin e vendit, rritjen e papunësisë, ndotjen e ajrit dhe të ujit, përhapjen e kriminalitetit dhe dhunës, mërgimin e pandalshëm të rinisë, izolimin e vendit dhe tërheqjet e njohjeve”, thotë ai në një postim ën Facebook.
Ai nuk heziton dhe e tregon fajtorin.
“Fajin të dashur miq, e ka libri dhe lexuesi. Nuk rregullohet me libra kjo punë”, zbulon Zaimi.