Klinika Infektive konfirmoi se sot, në orët e mëngjesit ka ndërruar jetë pacienti Sh.K. i moshës 66-vjeçare nga komuna e Prizrenit i pranuar me 22 qershor, si rast i dyshuar për infeksion me Covid-19, për të cilin pritet konfirmimi i rezultateve nga laboratori mikrobiologjik.
Në klinikën Infektive të Qendrës Klinike Universitare të Kosovës, sot janë të hospitalizuar 104 raste. Të sëmurë me Covid- 19 janë gjithsej 101 raste.
- Advertisement -
Prej tyre, 51 raste janë duke u trajtuar me oksigjenoterapi dhe përkujdesje intensive; prej tyre 6 raste jane duke u trajtuar ne repartin e Mjekimit Intensiv dhe 5 prej tyre janë në gjendje kritike.
Sot nga klinika lirohen 2 raste te shëruara nga infeksioni me Covid-19 si dhe lirohet 1 rast pozitiv në gjendje stabile për vetëizolim në shtëpi.