Prokuroria Speciale gjatë ditës së sotme ka dorëzuar aktakuza ndaj presidentit të Kosovës, Hashim Thaçi, dhe liderit të Partisë Demokratike të Kosovës, Kadri Veseli, shkruan Gazeta Sinjali.
Lidhur me këtë, kanë reaguar figura të shumëta politike në vend dhe jashtë tij.
Një të tillë e ka bërë edhe kryeministri i Shqipërisë, Edi Rama i cili është shprehur i indinjuar me këtë veprim, ndërsa ka shtuar se nesër do të shprehet publikisht përmes një mesazhi për të gjithë shqiptarët.
“Qëkur e kam marrë lajmin e listës së Tribunalit Special dhe kam lexuar emrat e kriminelëve të supozuar të Luftës Çlirimtare të Kosovës, përpiqem po nuk arrij të formuloj fjalitë e duhura për të shprehur indinjatën time!Do të shprehem publikisht nesër me një mesazh për të gjithë shqiptarët, por jam e do të jem deri në fund, në krah të të gjithë atyre që luftuan me armë për ta çprangosur Kosovën e burgosur në ferrin e Sllobodan Milosheviçit, duke mbyllur me gjak, nder e lavdi një histori padrejtësie historike në zemër të Europës!RROFTË KOSOVA dhe sot më shumë se kurrë NDERIM UDHËHEQËSVE TË LUFTËS ÇLIRIMTARE”, ka shkruar Rama në profilin e tij në Facebook.