Limaj: Shpresoj që ‘Nisma’ ta ketë rastin ta udhëheqë qeverinë e unë të bëhem kryeministër

Kryetari i Nismës Socialdemokrate, Fatmir Limaj, ka thënë se shpreson që partia e tij ta ketë rastin ta udhëheqë Qeverinë, e ai të bëhet kryeministër.

Në një intervistë për Kanal 10, derisa po fliste për punën e Qeverisë Kurti dhe për korrupsionin në ndërmarrjet publike, ai ka thënë se Nisma nuk ka pasur asnjëherë rastin që ta drejtojë Qeverinë.

“Nisma nuk ka pasur asnjëherë rastin ta drejtojë Qeverinë, unë të jem kryeministër. Por këtë e vlerësojnë qytetarët”, është shprehur Limaj.

Tutje ai ka thënë se Nisma kur ka qenë pjesë e Qeverisë, në atë kohë nuk ka pasur ndonjë zhvillim të madh në Kosovë, pasi koha ka qenë vetëm 1 vit e gjysmë.