Shoji Morimoto nga Japonia fiton shumë para duke mos bërë asgjë. 38 vjeçari ka siguruar jetesën duke ofruar veten me qira për personat që nuk duan të jenë vetëm. Ai thotë se njerëzit e marrin me qira për arsye të ndryshme por shumica sepse janë të mërzitur dhe të vetmuar.
I njohur si “Rental-san”, Morimoto është punësuar për të ngrënë drekë, për të pozuar për fotografi në Instagram apo për të shoqëruar dikë që kërkon divorcin. Një burrë e punësoi atë për të përshkruar një vrasje që kishte kryer, ndërsa një tjetër e pagoi për të vizituar vendin ku kishte tentuar vetëvrasjen.
Morimoto ofroi për herë të parë shërbimet e tij në qershor 2018 pasi postoi një postim në Twitter ku shkruhej: “Unë ofroj veten me qira, si një person që nuk bën asgjë.” Në një intervistë, ai tha: “Njerëzit më përdorin në mënyra të ndryshme. Disa njerëz janë të vetmuar.
Disa mendojnë se është turp të shkosh diku vetëm – duan dikë që të ndajnë përshtypjet e tyre. Ajo që është e mahnitshme është shumëllojshmëria e madhe e personaliteteve, rrethanave dhe situatave. Kjo është e habitshme për mua.”, thotë ai.