Presidenti i Serbisë ,Aleksandar Vucic ka takuar Valentina Matvijeno, kryetaren e Këshillit të Federatës Ruse, ku i ka thënë se Institucionet kosovare e kane shpikur helmimin e djeshëm me zarfet e serbëve.
Vucic ironizoi me kosovarët e tha se tani nuk janë të sigurt se ka pasur helmim dhe konkludojnë se Lista Serbe duhet tani përjashtuar.
Po ashtu Vucic po njofton se kjo do të ketë pasoja katastrofike në marrëdhëniet mes shqiptarëve e serbëve, sidomos ai tërhoqi vëmendjen kur tha se nëse serbët nuk futen në Qeveri pritet një katastrofë e madhe në Kosovë ku ata do të detyrohen siç e quan ai për ta mbrojtur ‘lirinë në vatrat e tyre’.
“Nëse serbët nuk do të jenë ne institucione atëherë, ju e dini se ku do të jenë, e si do të detyrohen të mbrojnë lirinë e vatrat e tyre. I kemi lutur edhe bashkëpunëtorët tanë perëndimor që mos të ju ndihmojnë atyre në ato synime të sëmura, në të kundërtën frikësohem se po i afrohemi katastrofës”, tha Vucic, transmeton Gazeta Metro.
Vucic e falënderoi Rusinë për mbështetjen e vazhdueshme të Rusisë, duke shtuar se me Presidentin Vladimir Putin janë pajtuar të takohen në muajin dhjetor. Prezent në takim ishte edhe Ambasadori i Rusisë në Beograd, Aleksandar Botsan-Kharchenko.