Zgjedhja e Vjosa Osmanit si presidente është duke u varur nga pozicioni që do ta ndërmarrë Lidhja Demokratike e Kosovës, nëse do të jetë apo jo e pranshime në sallë e Kuvendit të Kosovës të paktën të ia sigurojë korumin.
Kurse partitë e tjera janë deklaruar se nuk do të votojnë Osmanin si presidente të Kosovës.
Dardan Sejdiu, në një intervistë për InDoks ka komentuar takimin Abdixhiku-Osmani.
Sejdiu ka thënë që veprimi i Abdixhiku për ndarjen e Kurtit në takimin që ka pasur me Osmanin ka qenë i udhës. Pasi që një presidente vetvetiu duhet të tregoj se si e sheh Republikën e Kosovës si presidente e ardhshme, gjë që i intereson opozitës në mënyrë që të vendos pro apo kundër.
“Lëvizja Vetëvendosje ka një numër të deputete të jashtëzakonshëm dhe mendoj që zgjedhja e zonjës Osmani për presidente do të ishte një rrugë e mirë përpara edhe për faktin që kemi një bllok i cili nga opozita dhe kritika 20 vjeçare vjen ne pushtet na tregon se si e shohin shoqërinë ata prej një opozitë kritik dhe veprim në një pushtet në veprim e përmisim. Kështu që po besoj që kjo është rruga përpara e kam të qartë pozicionin e LDK-së dhe Abdixhikut i cili thotë presidenti/ja duhet të na tregoj se si e sheh këtë republikë dhe kjo është legjitime . Në këtë drejtim duhet ta vlerësoj pozicionin e Abdixhikut, i cili bëri këtë ndarje nga Kurti dhe po e diskuton punën e presidentit me atë që po pretendon të bëhet presidente”, ka thënë Sejdiu.
Kandidatja për Presidente të Kosovës, Vjosa Osmani pas takimit me kryetarin e Lidhjes Demokratike të Kosovës, Lumir Abdixhiku kishte deklaruar se gjithçka në këtë takim ishte në frymë pozitive, ndërkaq u shpreh se pret mbështetej nga ish-kolegët e saj në LDK.
“Natyrisht unë pres përkrahje nga ish-kolegët e mi edhe të gjithë deputetëve, sepse është në interes të vendit që të bëjmë konstituomin e institucioneve sa më parë që të jetë e mundur që të kemi të tri institucionet funksionale dhe jam e bindur që të gjithë e kemi atë qëllim të përbashkët, ai është që ta çojmë Kosovën përpara”, ka deklaruar Osmani/InsajderiInDoks