Emri i Milot Rashicës ditëve të fundit është lidhur me një kalim te Liverpooli
Ylli nga Vushtrria po kalon një sezon të madh personal, ani pse klubi i tij, Werder Bremen gjendet në vendin e 17-të në tabelë, shkruan Reporteri.net
Sipas asaj që raporton prestigjioza gjermane Bild, trajneri i Liverpoolit, Jurgen Klopp është duke e përcjellur që një kohë të gjatë Rashicën.
Liverpool ‘plotting £31m transfer swoop’ for Werder Bremen forward Milot Rashicahttps://t.co/5FZMlvfuh5 pic.twitter.com/lq8gFlwwfI
— Mirror Football (@MirrorFootball) February 20, 2020
Madje flitet se Liverpooli ka gati ofertën në vlerë prej 38 milionë eurove.
Klopp e dëshiron yllin kosovar në skuadër pasi e sheh si një zëvendësues të mundshëm të Mane, Salah apo Firminos, kur këta të tre do të kenë nevojë për të pushuar.
Kujtojmë, që Klopp zakonisht bën transferime të këtilla, Shaqirin e kishte sjellur në Anfield, ani pse skuadra e tij, Stoke City atë kohë kishte rënë nga Premier Liga.
Se a do ta ketë tani fatin e njëjtë edhe Rashica mbetet të shihet në afatin kalimtar të verës, ku vushtrriasi pritet që ta bëjë hapin e madh të karrierës.