Kryeministri i Kosovës, Albin Kurti për herë të parë ka bërë homazhe te varri i presidentit historik, Ibrahim Rugova.
Në 12-vjetorin e Pavarësisë së Kosovës, Kurti ka vlerësuar lartë kontributin e presidentit Rugova për shtetin e Kosovës.
- Advertisement -
“Si kryeminsitër i Kosovës, sot teksa shënojmë dhe festojmë përvjetorin e 12-të të shpalljes së pavarësisë kujtojmë presidentin e parë të Kosovës, presidentin Ibrahim Rugova.
Në një ditë si kjo ne vlerësojmë përpjekjen instituese dhe institucionale, angazhimin politik për liri dhe pavarësi. U preftë i qetë e në paqe”, ka deklaruar Kurti.
Kryetarja e Kuvendit të Kosovës, Vjosa Osmani, theksoi se ideatori i Pavarësisë së Kosovës, është ish-presidenti historik i vendit, Ibrahim Rugova.
- Advertisement -
Sipas saj, vepra dhe kontributi i tij për Kosovën dhe qytetarët nuk do të harrohen kurrë.
