Administrata e Joe Biden ka miratuar një shitje të mundshme prej 6 miliardë dollarësh të tankeve Iuftarake dhe pajisjeve tjera tek Polonia.
Kështu njoftoi sot Departamenti Amerikan i Shtetit mes tensioneve të rritura në rajon dhe ndërsa Sekretari i Mbrojtjes Lloyd Austin ndodhet në Poloni, shkruan CNN.
Kjo shitje e propozuar do të mbështesë politikën e jashtme dhe sigurinë kombëtare të Shteteve të Bashkuara duke ndihmuar në përmirësimin e sigurisë së një aleati të NATO-s që është një forcë për stabilitet politik dhe përparim ekonomik në Evropë”, thuhet në njoftim.
“Shitja e propozuar do të përmirësojë aftësinë e Polonisë për të përballuar kërcënimet aktuale dhe të ardhshme duke ofruar një forcë të besueshme që është e aftë të frenojë kundërshtarët dhe të marrë pjesë në operacionet e NATO-s. Polonia nuk do të ketë vështirësi të thithë këtë pajisje në forcat e saj të armatosura”, u tha në njoftim.
“Shitja e propozuar e kësaj pajisje dhe mbështetje nuk do të ndryshojë ekuilibrin bazë ushtarak në rajon,” shtoi ai.